चितवन । बागमती प्रदेश अन्तरगत चितवन जिल्लामै पशुपालन क्षेत्रमा उल्लेखनीय काम गर्दै आउनुभएका सरोज शाह ’राष्ट्रपति उत्कृष्ट कृषक’ पुरस्कारबाट सम्मानित हुनुभएको छ ।
३१ वर्षका युवा सरोज साहले बाबुआमाले गर्दै आएको परम्परागत खेतीपाती प्रणालीलाई व्यवसायी बनाउँदै माडी नगरपालिका वडा नम्बर ६ हरिनगर १० वर्षअघि सुरु गरेको माछा पालन व्यवसाय अहिले ५ बिघा १८ कठ्ठा जलासय भएको एक ठूलो पोखरीसहित ९ वटा पोखरीमा परिणत भएको छ।
शाहको आफ्नै २ बिघा जमिन भए पनि १६ बिघा १३ वर्षका लागि भाडामा लिएर कृषि गर्दै आएका छन्। जुन बढ्ने क्रममा छ। परम्परागत पालिँदै आएको बाख्राको संख्या बढेर करिब २ सय, हाँस ७ सय र सयौँको संख्यामा लोकल कुखुरा फर्ममा छन् । एकीकृत हिसाबले माछा, बाख्रा, हाँस र लोकल कुखुरा छ।
फार्मलाई कृषि पार्कको रूपमा विकास गर्दै पर्यटकीय क्षेत्र बनाउने सरोज शाहको लक्ष्य हो। उनको घरपरिवारसँगै नियमित ५ जनाले यहाँबाट रोजगारी पाएका छन् । एक करोड बढी ऋण खोजेर गरिएको लगानी अहिले डेढ करोड बढीको बनेको छ । मासिक ३ देखि ४ लाख आम्दानी हुन सुरु भएको छ।
कृषि क्षेत्रमा नयाँ मेसिनरी सामानको प्रयोग गर्दै जिल्लाको कृषि क्षेत्रमा लामो समय बिताएका तथा व्यवसायिक रुपमा कृषि गरेका प्रेरणादायी र उदारणीय बनेका किसानलाई ज्ञान केन्द्रले विगत २०५९ सालदेखि सम्मान गर्दै आएको छ ।
#स्वदेश न्युज डेस्क
