चितवन । माडी नगरपालिकाको हिउँदे अधिवेशनले माडीका थप २ स्थानमा एकीकृत कृषि तथा पशु सेवा केन्द्र स्थापना गर्ने निणर्य गरेको छ ।
माडीको बघौंडास्थित माडी भिलेज रिसोर्टको सभाहलमा सम्पन्न अधिवेशनले पश्चिमी माडी लागि वडा नं. १ वा २ को कुनै पायक स्थानमा र पूर्वी माडीका लागि वडा नं. ८ वा ९ को कुनै पायक स्थानमा कृषि तथा पशु सेवा केन्द्र स्थापना गर्ने निणर्य गरेको हो । हाल माडीको बसन्तपुरमा पशु (भेटेरिनरी) अस्पताल र कीर्तनपुरमा मध्यवर्ती पशु सेवा कार्यालय रहेकोछ ।
कृषि र पशुपालनको विकास गर्दै समृद्ध नगर बनाउने उद्देश्य अनुरुप मौजूदा भौतिक संरचनाकै उपयोग हुनेगरी नगरसभाले थप २ स्थानमा सेवा केन्द्र स्थापनाको निणर्य गरेको नगर कार्यपालिका प्रवक्ता डण्डपाणी पौडेलले बताउनुभयो ।
#स्वदेश न्युज डेस्क
